الرئيسية / آراء حرة / الملكة إليزابيث الثانية ملكة بريطانيا، حفيدة الرسول مُحمد!

الملكة إليزابيث الثانية ملكة بريطانيا، حفيدة الرسول مُحمد!

كتب : محمود توفيق

من كام شهر كده ظهر تاني عالسطح خبر عن الملكة إليزابيث بتقول فيه إنها من نسل رسول المسلمين مُحمد بالفعل، وفي ناس طلعت اتريقت وخدت الموضوع هزار، في حين انه المؤرخين أثبتوا إنه الامر صح فعلًا :”|

هو الوثائق مش مؤكده جدًا، بس عالأقل من ناحيتهم هما في الكلام اللي بتقوله وتتبع النسب صحيح، وهي بالفعل الحفيدة الـ43 للرسول، فتعالى أقولك بسرعة الحكاية بتاعها باختصار..

الحكاية كلها بدأت لما قبيلة العبادية انتقلوا من العريش في سيناء لغاية الأندلس في أثناء حكم الدولة الأموية واتعين واحد منهم اسمه “أبو القاسم محمد بن إسماعيل بن عبَّاد” قاضي أشبيلية بتولي من خليفة قرطبة في الوقت دا..

أبو القاسم بن عباد دا كان من أحفاد الحسن ابن علي حفيد الرسول محمد، يعني بالفعل كان من أحفاد الرسول.. أبو القاسم بن عباد كان من أنصار الثورات هناك ومع الوقت ازاح الحاكم الموجود وبقى هو الحاكم الفعلي للمدينة وأسس المملكة العبادية او سلالة بني عباد في جنوب الأندلس وكان هو على رأسها.. والكلام دا كان في 1023 ميلادي وحوالي 414 هجريًا.

فضل أبو القاسم يحكم كويس فشخ ومن بعده ابنه وبعده حفيده المعتمد، لغاية في سنة 1091 لما المرابطين المغاربة هجموا على الاندلس وعلى قبيلة بني عباد وهزموهم ودمروا حكمهم ومسكوا هما مككانهم.. (بني عباد كان أجدادهم حكام في شبه الجزيرة ومن نسل النبي)

المهم إنه المعتمد دا كان عنده في الوقت دا بنته الاميرة زائدة الأندلسية واللي بعد هجوم المرابطين المغاربة ملقتش أي مهرب غير إنها تهرب لعند الملك ألفونسو السادس انبراطور قشتالة (تبع اسبانيا وكده) وبالفعل الإمبراطور رحب بيها في قصره ومع الوقت بدأت بينهم علاقة عاطفية مقدرش يعترف بيها في البداية لانه كان متزوج، ولكن بعت وفاة زوجته، أعلن زواجه رسميًا من زائدة الاندلسية بعد أن تحولت للمسيحية وخلت اسمها إيزابيلا وكمان خلفوا 3 أطفال.

واحده بقى من احفاد الأولاد الثلاثة دول، تزوجت الملك بيدرو القشتالي وخلفت منه 4 بنات، اتنين رجالة واتنين ستات.. الاتنين الستات دول بقى واحده منهم كان اسمها ايزابيلا وتزوجت من ادموند دوق يورك وابن ملك انجلترا.. واللي هما اجداد الملكة اليزابيث اللي موجودة دلوقثت..

يعني فعلًا لو الخط او شجرة العيلة بتاعها دي صح، فبالفعل الملكة إليزابيث هي الحفيدة الـ43 للرسول محمد :”|
—-

دا خط النسب لقيته وجبته لك..

“اليزابيث الثانية ملكة المملكة المتحدة الحالية، بنت الملك جورج السادس، ابن الملك جورج الخامس، ابن الملك إدوارد الثامن، إبن الملكة فيكتوريا، بنت الدوق إدوارد، بم جورج التالت ملك بريطانيا العظمى، ابن فريدريك أمير ويلز، ابن الملك جورج التاني، ابن جورج الاول ملك بريطانيا العظمى، ابن صوفيا ناخبة البالاتينات، بنت إليزابيث حاكمة الشتاء، بنت جيمس الأول ملك إنجلترا وأيرلندا واسكتلاندا، ابن الملكة ماري الاسكتلاندية، بنت الملك جيمس الخامس، ابن مارغريت تيودور ملكة اسكتلاندا، بنت الملكة إليزابيث يورك، بنت الملك إدوارد الرابع، بنت ريتشارد دوق يورك، ابن ريتشارد إيرل كامبريدج، ابن إيزالبيلا ملكة قيشتالة، بنت ماريا خوان، بنت ماريا فيرناندز، بنت ألدونزو راميراز، ابن الامير ألدونزو جونزاليس، ابن الاميرة سانشا رودريجز، بنت الامير رودريجو رودريجاز، ابن الملكة سانشا القشتالية، بنت الملكة (((زائدة))) او ايزابيلا الاندلسية، بنت المعتمد ابن عباد ملك أشبيلية، ابن محمد عباد الثاني المعتمد ملك اشبيلية، ابن الملك ابو القاسم محمد بن عباد، ابن اسماعيل بن قريش، ابن قريش ابن عباد، بن عباد ابن عمرو من عريش سيناء، ابن عمرو ابن اصلان، ابن عمرو بن إيتلاف، ابن نعيم، ابن نعيم الثاني، ابن تعيم اللخيمي الأول حاكم الحيرة العربية، ابن زهراء بنت الحسين، ابن الحسن ابن علي، ابن فاطمة الزهراء بنت الرسول محمد.

الانجليز والاسكتلاندين والاسبان والفرنسين والمناطق دي، هما الناس الوحيدة عالكوكب اللي يقدروا يتتبعوا نسلهم من شخص للتاني بالظبط لغاية اول واحد خطت رجله على اراضي انجلترا.

أنا كتوفيق اتصدمت جدًا يعني :”| يعني بعض ملوك مصر الفرعونية مشتركين في النسب مع بعض سكان أوروبا، وملوك أوروبا جايين من عندنا من هنا!.. وات ذا فق!

شاهد أيضاً

كريستيانو رونالدو : مهارات وانجازات غير مسبوقة في كرة القدم

كتب : محمود مهدلي خلينا متفقين إن كريستيانو رونالدو عمل حاجات في لعبة كرة القدم، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!