الرئيسية / آراء حرة / تجارب سرية لمعرفة العلاقة بين شكل الجسم ومواصفاته وبين الذكاء الشخصي بأنواعه

تجارب سرية لمعرفة العلاقة بين شكل الجسم ومواصفاته وبين الذكاء الشخصي بأنواعه

كتب : محمود توفيق – في سنة 1995 كده تقريبًا، صحفي أنجليزي طلع بخبر صادم جدًا تم اعتباره فضيحة من الطراز الأول لجامعات عريقة وكبيرة جدًا..

الراجل طلع قالك في أول سنة تقدم فيها للدراسة في جامعة هارفارد الشهيرة، لقاهم بيقولوله لازم تقلع عريان وتتصور في أكتر من وضع، والراجل استغرب جدًا جدًا من اللي بيحصل وخصوصًا لما لقى انه معظم اللي حوالية متقبل الأمر العادي جدًا واستغرب اكتر لما عرف انه كل الدكاترة والطلبة اللي حواليه في الجامعة دول اتصوروا بالفعل عريانين للجامعة في أول سنة لهم فيها.

الراجل بعد ما خلص الجامعة وبقى صحفي قد الدنيا، قرر إنه يبحث ورا الموضوع ويعمل سبق صحفي مكنش مدرك وقعه على الجمهور هيبقى عامل ازاي.. الصحفي إكتشف إنه مجموعة جامعات الـ ivy league -مجموعة من أعرق وأفضل 8 جامعات في العالم عندهم مواصفات عالية للإنضمام من ضمنهم هارفارد وبرينستون ويال وكلومبيا..ألخ- من بداية انتشار فكرة التصوير في العشرينات كده وهما بيعملوا شرط سري في الانضمام ليهم إنه يتم تصوير أجسام جميع الطلبة المنضمين في السنة الأولى سواء كانوا ذكور أو إناث وفي وضعيات مختلفة.

الخبر كان صدمة شديدة فعلًا لانه مفيش أي داعي لعمل كده ودول جامعات عريقة ماينفعش تعمل كده، بس بعدها بفترة حد من الممثلين للرابطة دي طلع برر إنهم كانوا بيعملوا كده عشان بيعملوا تجارب سرية لمعرفة العلاقة بين شكل الجسم ومواصفاته، وبين الذكاء الشخصي بأنواعه.. ومع التصريح دا عرضوا على الحكومة أرشيفهم من الصور طيلة الفترة دي كلها و اللي كان مليان بآلاف الآلاف من الصور العارية لجميع طلابهم من ضمنهم مشاهير عالميين زي الرئيس جورج بوش نفسه، والممثلة الشهيرة ميريل ستريب وحتى هيلاري كلينتون نفسها وغيرهم وغيرهم من شخصيات عالمية دخلت الجامعات دي.

شاهد أيضاً

كريستيانو رونالدو : مهارات وانجازات غير مسبوقة في كرة القدم

كتب : محمود مهدلي خلينا متفقين إن كريستيانو رونالدو عمل حاجات في لعبة كرة القدم، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!