الرئيسية / آراء حرة / كشف حقيقة وليد محمد عبادي و اختراع صد الصواريخ و توليد الكهرباء
وليد محمد عبادي أصغر مخترع

كشف حقيقة وليد محمد عبادي و اختراع صد الصواريخ و توليد الكهرباء

الصواريخ او توليد الكهرباء… ده مش اختراع خالص.. ده بحث اتعمل من زمان وفشل فشل ذريع لأن لو جمعنا كل المجالات الارضية هتطلع ضعيفة جدا جدا مش ممكن استخدامها في اي حاجة عملية حتى الخلايا الشمسية رغم كفاءتها لكنها اضعف بكتير من الاستخدامات اللى بيقولوا عليها.. بس الاخوة الهبادين بتوع الطاقة الدائمة ونظرية المؤامرة لسه متمسكين بيه وشغالين فيديوهات يوتيوب ومحاضرات… وفي الآخر كله فستك زي اختراع الكفتة.. واتعمل الف مرة وكل مرة يفشل وكل مرة عشاق الهبد بيتمسكوا بيه اكتر.. ويقولوا ان شركات الكهرباء والوقود بتدمر الحجات الخايبة دي عشان الارباح..

وليد مش مخترع ولا باحث.. هو مجرد واحد اتفرج على شوية فيديوهات وقرا شوية مقالات كاتبها عشاق المؤامرات والعلوم الزائفة.. بس للأسف مفيش حد متعلم وفاهم بما فيه الكفاية لحد دلوقتي فكر يقعد معاه ويبين الهبد ده للناس.. وللأسف الهبد ده مش في مصر بس ده الإعلام في بلاد كتير في العالم ينبهر بيه.. بس للأسف العلماء الحقيقيين مش يكلفوا نفسهم ويردوا على الكلام ده لأنه اتفه من الرد عليه.. لحد ما اصبح مهاويس سطحية الأرض ومهابيل علاج سرطان الدم بالذهب و ملاحيس المولد الكهربي دائم الحركة مشهورين وبيفرد لهم ساعات طويلة في القنوات بهدف الربح وإثارة الجدل.. ويقعدوا يهروا في كلام نظري لا يصلح تنفيذه ومحدش يطلب منهم الدليل..

انا واثق ان بكره هنشوف وليد بيعمل محاضرات في TED في أمريكا لأن سبقه اطفال برضه كتير راحوا هناك وهبدوا والناس سقفت ليهم ومحدش ناظرهم ومحدش طلب إثبات عملي.. انا بلوم العلماء والباحثين على تهاونهم في العلوم الزائفة لحد ما ملت حياتنا بالأساطير والخرافات.. العلوم الزائفة موجودة من ٣٠٠٠ سنة من اول ما الإغريق اخترعوا حاجة اسمها التنجيم.. وبرغم التقدم اللي وصلنا ليه لسه فيه ناس مؤمنة إن حركة النجوم تتحكم في حياتها وقدرها وان ده علم حقيقي..

بمناسبة انه بيتكلم انجليزى فى محاضرة بالعربى هحكيلكم حكايه حلوه ..

واحد أقنع صديقه ان يعمل عملية بواسير في بريطانيا وعرض عليه أن يكون المترجم لضعف لغته

الدكتور قال للمترجم:
Tell the patient to go up on the bed and to bend forward more than ninety degrees and to stay stable as possible.

(اخبر المريض ان يصعد على السرير وان يتقوقع للامام رافعاً مؤخرته بزاوية اكثر من ٩٠ درجة وان يبقى هكذا ثابتاً قدر
المستطاع)

التفت المترجم الى صديقه وقال له : ( فلقس ).

هنا الدكتور بقي مندهش و يتعجب، يقول للمترجم ما هى تلك اللغة العظيمة عندكم بحيث اختصرت كل كلامي بكلمة واحدة ..
فقال له اللغة العربية فأصبح الدكتور يتعلم العربية.

الكلام لكل مصري مهم / من الذي يدعم وليد وهو يعلم أن كل هذا كذب وتأليف ولا يوجد له أساس من الصحة ؟ ولماذا ؟؟ 

في تاريخ مصر تم اغتيال 10 علماء في مجال الطاقة النووية وغيره من إسرائيل تركت هذة الاغتيالات بصمة في نفوس العلماء فأصبح يختصر الموضوع ويسافر للخارج نفس المنهج يتم تجديده بصفة مختلفة هات وليد قول عليه عالم الناس تضحك عليه والموضوع ينتشر في السوشيال ميديا هات الواد أحمد وقول عليه أصغر هاكر في مصر وكان يخترق صفحات داعش بعد ما يصاحب الادمن هات الواد القال بعمل جهاز بيتكلم مع القطط هات جهاز الكفتة وغيره وغيره عشان لما يكون في مخترع بجد وحقيقي يخاف يعرض مشروعه يفضح حتى لو صح يخاف من الفضيحة أكثر ما يخاف من الفشل الف مرة الموضوع مش موضوع ناس عاوزة تنمي موهبته بالعكس وليد وغيره وغيره ما هما الا أسلحة يتم قتل بيها الرغبة لكل من يريد تقديم شيء يفيد الدولة إذ يوم طلبوا وليد ده حتى يشتغل عامل نظافة برة مصر سوف اقطع يدي التي كتبت هذا ارحموا بلدكم.

الكائن  الصغنون ده قال جملة خطيرة جداً في نص كلامه .. قالك انا عايز اتعلم عشان أفيد بلدي مش عشان أفيد العالم !!

الكلام ده بيذكرني بجهاز الكفتة لما “شريف عامر” قعدت مع مسئولي الجيش عن الجهاز و شريف وقتها قاله طب ليه مفيش تفاصيل عن الجهاز ده وليه مفيش أي جهة أجنبية اعترفت به!

كان رد سيادة اللواء : إن مايفرقش معاهم اعتراف الغرب بالجهاز، عشان الجهاز ده معمول للمصريين بس عشان يعالجهم مش لباقي العالم

أتمنى تكونوا اخدتوا بالكم من قمة الأنانية الممزوجة بالتخلف و الجهل و العجرفة معايا من تصريحاتهم

شاهد أيضاً

هزيمة داعش والدولة الاسلامية في المعركة ضد الجيش المصري

ليه الجماعات الجهادية قدرت توقع وتبهدل كل الجيوش اللي بتحاربها ما عدا الجيش المصري ؟؟ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!